Næsta keppni
7. Júlí 2018
Fylgstu með á Facebook

KIA Gullhringurinn

Hjólaðu í náttúru Íslands

Mótssvæðið

Mótsvæði Gullhringsins á Laugarvatni

Leiðir

Þrjár leiðir, allir geta tekið þátt!

KIA Gullhringurinn - 106 km

A flokkurinn er fyrir lengra komna og með reynslu af hjólreiðum og ætlað götuhjólum fyrst og fremst (Racer / Cyclorcross). Hjólað frá Laugarvatni sem leið liggur að Geysi. Beygt til hægri inn á Biskupstungnabraut rétt fyrir neðan Geysi og keyrt niður allar Biskupstungurnar sem leið liggur yfir Brúará og inná Grímsnesið alla leið niður að Þingvalla afleggjaranum. Þaðan er hjólað upp Þingvallasveitina að beygjunni inn á Lyngdalsheiði og þaðan er svo hjólað í mark við Laugarvatn.

Meira um Gullhringinn 106 km

Hver þáttakandi fær tímaflögu

Verðlaun eru veitt í eftirfarandi flokkum:

  • Efstu þrír í öllum flokkum.
  • Karlar:
  • 16 TIL 19 ÁRA ( með leyfi foreldra að 18 ára aldri )
  • 20 TIL 29 ÁRA
  • 30 TIL 40ÁRA
  • 41 TIL 55 ÁRA
  • 56 ÁRA OG ELDRI
  • Konur:
  • 16 TIL 19 ÁRA ( með leyfi foreldra að 18 ára aldri )
  • 20 TIL 29 ÁRA
  • 30 TIL 40ÁRA
  • 41 TIL 55 ÁRA
  • 56 ÁRA OG ELDRI

KIA Silfurhringurinn - 60 km

Silfurhringurinn er fyrir þá sem hafa einhverja reynslu af því að hjóla og ætlað götuhjólum fyrst og fremst (Racer / Cyclorcross). Hjólað frá Laugarvatni sem leið liggur að Geysi. Beygt til hægri inn á Biskupstungnabraut rétt fyrir neðan Geysi og keyrt niður allar Biskupstungurnar sem leið liggur yfir Brúará og inná Grímsnesið alla leið að bænum Svínavatni. Þar er beygt til hægri inn á veginn upp að Apavatni og þaðan er svo hjólað sem leið liggur í mark á Laugarvatni.

Meira um Silfurhringinn 60km

Hver þáttakandi fær tímaflögu

Verðlaun eru veitt í eftirfarandi flokkum:

  • Efstu þrír í öllum flokkum.
  • Karlar:
  • UNGLINGAFLOKKUR I / 12 TIL 15 ÁRA ( með leyfi foreldra )
  • UNGLINGAFLOKKUR I / 16 TIL 19 ÁRA ( með leyfi foreldra að 18 ára aldri )
  • 20 TIL 29 ÁRA
  • 30 TIL 40ÁRA
  • 41 TIL 55 ÁRA
  • 56 ÁRA OG ELDRI
  • Konur:
  • UNGLINGAFLOKKUR I / 12 TIL 15 ÁRA ( með leyfi foreldra )
  • UNGLINGAFLOKKUR I / 16 TIL 19 ÁRA ( með leyfi foreldra að 18 ára aldri )
  • 20 TIL 29 ÁRA
  • 30 TIL 40ÁRA
  • 41 TIL 55 ÁRA
  • 56 ÁRA OG ELDRI

KIA Bronshringurinn - 48 km

Bronshringurinn er rétt um 45 kílómetra hringur utan um Laugarvatn. Það þátttökustig er fært venjulegum hjólum, fjallahjólum og cyclocross hjólum. Hér er um lauflétta keppni að ræða. Ekki mikið af brekkum og einstaklega fallegt landslag í hjarta sögu miðalda á Íslandi með Þingvelli, Laugarvatn og Skálholt í augnsýn.

Hjólað frá Laugarvatni að Geysi, beygt inn á Reykjaveg, rétt ofan við Boðmóðsstaða afleggjarann, og keyrt niður Reykjaveginn yfir Reykjaheiði ( misgrófur malarvegur ) inná Biskupstungnabraut fyrir neðan Vegatungu sem leið liggur yfir Brúará og inná Grímsnesið að bænum Svínavatni. Þar er beygt til hægri inn á veginn upp að Apavatni og þaðan er svo hjólað sem leið liggur í mark á Laugarvatni.

Meira um Bronshringinn 48 km

Hver þáttakandi fær tímaflögu

Verðlaun eru veitt í eftirfarandi flokkum:

  • Efstu þrír í öllum flokkum.
  • Karlar:
  • UNGLINGAFLOKKUR I / 12 TIL 15 ÁRA ( með leyfi foreldra )
  • UNGLINGAFLOKKUR I / 16 TIL 19 ÁRA ( með leyfi foreldra að 18 ára aldri )
  • 20 TIL 29 ÁRA
  • 30 TIL 40ÁRA
  • 41 TIL 55 ÁRA
  • 56 ÁRA OG ELDRI
  • Konur:
  • UNGLINGAFLOKKUR I / 12 TIL 15 ÁRA ( með leyfi foreldra )
  • UNGLINGAFLOKKUR I / 16 TIL 19 ÁRA ( með leyfi foreldra að 18 ára aldri )
  • 20 TIL 29 ÁRA
  • 30 TIL 40ÁRA
  • 41 TIL 55 ÁRA
  • 56 ÁRA OG ELDRI

Myndefni

Svipmyndir frá keppninni 2016

Myndband frá KIA Gullhringnum 2016

Sagan

Stiklur frá hverju keppnisári

  • 1. September 2012

    Fyrsta keppnin

    Fyrsta keppnin var haldin sunnudaginn 1. september 2012 og þá var KIA Gullhringurinn í raun bara hugmynd. Okkur langaði að búa til keppni þar sem þátttakendur hjóla í gegnum yndisfagurt landslag Íslands. Við sáum fyrir okkur keppni fyrir byrjendur, millisterkan riðil og svo afrekshjólara. Leiðirnar hafa haldist eins frá upphafi þrátt fyrir að umgjörðin hafi vaxið gríðarlega á örfáum árum. Rétt um hundrað þátttakendur voru með okkur fyrsta árið. Sigurvegarar voru þau María Ögn Guðmundsdóttir og Helgi Berg Friðþjófsson. Öll úrslit keppninnar 2012 er að finna hér.

  • 18. Ágúst 2013

    Plata númer tvö!

    Þátttaka tvöfaldaðist á milli áranna 2012 og 2013 en rétt um tvö hundruð manns hjóluðu í keppninni þetta árið. Það var milt og gott veður með smá úða þennan sunnudag. Mótstjórnin var í Héraðsskólanum og góð stemmning. Einn keppanda slasaðist illa rétt fyrir utan Laugarvatn en keppandinn féll illa og var lengi að ná sér. Þetta var áminning og hvatning fyrir mótshaldara að gera betur í öryggismálum og síðan 2013 hefur verið læknir á mótsstaðnum ásamt fullbúnum sjúkraflutningabíl og björgunarsveitarmönnum í brautinni og hvergi til sparað í öryggisþáttum. Hafsteinn Ægir Geirsson vann keppni karla og María Ögn Guðmundsdóttir vann kvennaflokkinn. Þau voru valin hjólreiðafólk ársins þetta árið. Önnur úrslit 2013 eru hér.

  • 12. Júlí 2014

    Keppnin stækkar enn!

    Þetta árið voru þátttökumet fyrri ára slegin rækilega en um fjögur hundruð þátttakendur tóku þátt þetta árið. Í fyrsta sinn var keppt á laugardegi en veðrið var það versta sem keppnin hefur fengið yfir sig; rok, rigning og hitastigið rétt undir 10 gráðum um miðjan júlímánuð. Keppendur áttu við ramman reip að draga og engin brautarmet í hættu þetta árið. Ingvar Ómarsson sigraði karlaflokkinn og María Ögn Guðmundsdóttir sannaði það að hún var drottning KIA Gullhringsins og sigraði kvennaflokkinn. Hópur hjólara frá Þýskalandi tók þátt í keppninni og þar var brotið blað því erlendir keppendur höfðu ekki sótt keppnina heim fyrr. Úrslit 2014 má finna hér.

  • 11. Júlí 2015

    Met þátttaka!

    Þetta árið var enn eitt metið slegið og rúmlega 700 þátttakendur hjóluðu í risastóru hóp starti. Keppnin fór í fyrsta sinn fram að kvöldi til þar sem hún hófst klukkan 18:00 en hafði áður verið um morguninn og um miðjan daginn. Nýi tíminn hentar miklu betur út frá mörgum þáttum en öryggisþátturinn vegur þar mest þar sem enn er full birta á þessum tíma en umferð á Biskupstungnabraut, Lyngdalsheiði og um Þingvelli hríðfellur uppúr kl 18:00 samkvæmt mælum Vegagerðarinnar og því eykst öryggi keppenda á sama tíma. Fjórða árið í röð kom María Ögn Guðmundsdóttir og sigraði kvennaflokkinn og Elvar Örn Reynisson kom sá og sigraði í flokki karla og í fyrstu verðlaun fengu þau ferð til Tenerieffe með Úrval Útsýn í boði ÖSKJU KIA umboðsins á Íslandi. Laugarvatn var umvafið hjólreiðum og stór hluti keppenda gistu á hótelum, í sumarbústöðum og á tjaldstæðinu á Laugarvatni. Veðrið var með eindæmum gott og gátu fjölskyldur unnt sér vel á Laugarvatni þessa helgina. Verðlaunaafhending og grillpartýið á eftir tókust vel og sannkölluð hjólapartý stemmning lá í loftinu. Önnur úrslit keppninnar má finna hér.

  • 9. Júlí 2016

    Frábært ár!

    Stærsta breytingin í ár var sú að María Ögn steig af hjólinu og tók að sér framkvæmdastjórn KIA Gullhringsins þetta árið. Henni tókst verkið vel og umgjörð keppninnar aldrei verið glæsilegri en í ár. Enn var keppt á laugardegi og startað klukkan 18:00 enda bæði breytingar sem mælst höfðu vel fyrir og komu vel út. Fjöldinn var í fyrsta sinn svipaður á milli ára enda var það yfirlýst markmið stofnenda keppninnar að halda sig við keppendafjölda í kringum 800 keppendur öryggisins vegna. Veður var með allra besta móti, smá gola og létt skýjað og þátttakendur skemmtu sér konunglega, bæði í brautinni og eftir keppni. Hafsteinn Ægir Geirsson og nýliðinn Erla Sigurlaug Sigurðardóttir unnu KIA Gullhringinn þetta árið en þau komu bæði í mark á brautarmetum. Hafsteinn á tímanum 2:43:48 og Erla Sigurlaug á 2:52:32. Þau fóru eins og siguvegararnir í fyrra í ferð með KIA Gullhringnum til Mallorca núna í haust í boði ÖSKJU KIA umboðsins á Íslandi. Önnur úrslit má finna hér.

  • 8. Júlí 2017

    Stjörnu hjólagarpar!

    Sigurvegari Giro D’Italia árið 2012, Kanadamaðurinn Ryder Hesjedal var heiðursgestur KIA Gullhringins ír. Í ár var einnig metþátttaka enn og aftur. Nöfnum á leiðunum var breytt í KIA Gullhringurinn, KIA Silfurhringurinn og svo KIA Bronshringurinn. Takk fyrir þátttökuna og sjáumst aftur á næsta ári!

    #kiagull

  • Komdu með!

Reglur

Okkur er öryggi þáttakenda efst í huga, endilega lesið og virðið þessar reglur þegar á kepni stendur.

Hafðu Samband

Ertu með spurningu? Viltu vita meira um keppnina, sendu okkur línu!